Rruga që të çon drejt fshatit turistik të Dardhës në Korçë është bllokuar për shkak të rrëshqitjes së masivit të borës. Lëvizja në këtë aks është ndërprerë.

Shkarja më masive ka ndodhur te “Muri i Musait” dhe në vendin e quajtur “Gryka”, ndërkohë po punohet me mjetet borëpastruese për të hapur rrugën e fshatit turistik.

ARRSH njofton se në aksin Maliq-Kapshticë dhe Tepelenë-Kakavijë qarkullimi duhet bërë me zinxhirë.