Aksidenti i autobusit me nxënës sot në Qafë – Thanë, më pasojë plagosjen e disa gjimnazistëve, denoncon papërgjegjshmërinë e Policisë.
Ndërkohë që mësohet se një prej personave që ndodhej në autobus ka njoftuar policinë e Pogradecit dhe të Përrenjasit, asnjë prej komisariateve nuk e ka marrë përsipër, duke ia lënë përgjegjësinë palës tjetër. Sipas telefonuesit vetëm një ambulancë ka shkuar në vendin e aksidentit, ndërkohë që kanë qenë rreth 17 persona të plagosur apo me lëndime.
Aksidenti raportohet se ndodhi pasditen e sotme. Paraprakisht dyshohet se shkak i aksidentit kanë qenë kushtet jo të favorshme atmosferike.
Mësohet se një autobus me gjimnazistë nga Roskoveci është përmbysur duke rënë afër greminës, e për pasojë kanë pësuar lëndime e janë plagosur disa prej tyre. Të paktën 17 persona kanë mbetur të plagosur të premten në një aksident në dalje të Qafë Thanës, në aksin Pogradec – Përrenjas.
© SYRI.net