Ka vdekur në spital edhe i plagosuri i atentatit mafioz të ndodhur mbrëmjen e djeshme.
Mësohet se Genc Caci i cili ishte i shtruar në Spitalin e Traumës ka ndërruar jetë.
Ai ishte në vdekje klinike prej orësh, ndërsa mbrëmjen e sotme është konfirmuar se ai ka ndërruar jetë, bën të ditur Neës24.
Caci mbeti i plagosur rëndë në atentatin e djeshëm në lagjen 13 të Durrësit, ku u ekzekutua në mënyrë mafioze Edison Harizaj, miku i Emiljano Shullazit.
Harizaj dhe Caci ishin duke udhëtuar me një makinë tip ‘Audi’ kur një mjet tjetër u ka prerë rrugën.
Ata janë gjendur menjëherë nën breshëri kallashnikovi.
Harizaj ndërroi jetë në vend, ndërsa Caci u mbijetoi plagëve të marra, por ka ndërruar jetë pak orë pas ngjarjes në Spitalin e Traumës në Tiranë.
Deri më tani nuk ka asnjë person të dyshuar në lidhje me këtë ngjarje, ndërsa policia ka shoqëruar kontigjentë kriminalë për të zbuluar ndonjë të dhënë.
© SYRI.net