Mbrëmjen e kaluar në stadiumin “Fadil Vokrri”  u zhvillua ndeshja Kosovë- Zvicër e vlefshme për kualifikim në “Euro 2024”, e cila përfundoi me rezultatin 2-2.

Por u vu re se në krye të banerit ishte vendosur ylli shqiptar me famë botërore, Rita Ora, me shallin me flamurin e Kosovës, nga sekuencat e klipit të saj “Shine Ya Light”.

Kjo i ka rënë në sy edhe vet këngëtares, e cila i rishpërndau pamjet për 16 milionë ndjekësit e saj në Instagram. Ajo ndau një fotografi të një faqeje fansash të Përfaqësueses së Kosovës, ku shkruhej “Prezenca e saj na solli fat”.

Kaq ka mjaftuar që Rita ta ripostojë këtë foto dhe ta cilësojë Kosovën si vendin e saj më të preferuar në botë.