Pas një “tour-i” të gjatë pushimesh e projektesh nëpër botë, këngëtarja Dua Lipa është rikthyer në shtëpinë e saj në Londër dhe ka gjetur kohë të zhytet mes kujtimeve.

Ajo ka hapur arkivat e vjetra kur ishte ende një fëmijë 11-vjeç dhe bënte foto me miqtë apo pikturonte pasionet e saj në letër.

Në njërën prej fotove, Dua shfaqet vogëlushe, me flokët e mbledhura, pak e ndrojtur dhe me një buzëqeshje të fshehur.

“Më në fund u ktheva në shtëpi  dhe gjeta librin tim të shënimeve që kur isha 11 vjeç me disa foto, dizajne dhe udhëtime shkollore”- ka shkruar Dua, duke ndarë fragmente të kujtimeve.