Madonna e ka bërë të qartë se çfarë mund dhe nuk mund të bëjnë drejtuesit e shtëpive diskografike dhe profesionistët e industrisë së muzikës pas vdekjes së saj.

Një detaj të veçantë që ajo kundërshton me forcë është përdorimi i hologrameve ose ndonjë ‘mashtrimi’ tjetër që mund të njollosë trashëgiminë e saj.

Sipas The Sun, Madonna do ndalojë që pasuria e saj të shpërdorohet nga mosmarrëveshjet familjare. Si e tillë, ajo ka vendosur të shpërndajë të drejtat e muzikës së saj në mënyrë të barabartë mes gjashtë fëmijëve të saj.

“Me përjashtim të Abba Voyage, përdorimi i hologrameve për të sjellë në jetë interpretuesit ka qenë i dyshimtë, për të mos thënë më pak”, tha një burim për mediat e lartpërmendura.

“Ajo e ka kaluar gjithë jetën e saj duke ruajtur rëndësinë kulturore dhe nuk ka asnjë shans që ajo të lërë të njolloset e gjithë puna e saj e palodhur.”- u shprehën burimet pranë yllit.

Për më tepër, ajo planifikon të shprehë mirënjohjen për menaxherin e saj afatgjatë, Guy Oseary , duke i dhënë atij një pjesë të të drejtave të këngëve të saj për mbështetjen e tij të palëkundur në kohë të mira dhe sfiduese.

Muajin e kaluar, Madonna shkaktoi shqetësim tek fansat e saj pas një problemi shëndetësor në rezidencën e saj në SHBA. Ajo u dërgua me shpejtësi në spital dhe qëndroi atje për disa ditë, duke marrë trajtim pasi pësoi një infeksion bakterial.

Raportimet tregojnë se këngëtarja e njohur aktualisht është në gjendje të rënduar, ndihet shumë e lodhur, pasi përpiqet të rifitojë shëndetin e plotë nën kujdesin e kujdesshëm të mjekut të saj personal në shtëpi.