Richard Gere u bë i famshëm me rolin e tij në filmin e vitit 1980 “American Gigolo”, por ditët e tij të para në Nju Jork nuk ishin aq magjepsëse.

” Vakti im ishte vetëm një vezë,” tha ai për vitet e para të karrierës së tij, kur po përpiqej të arrinte një vend të rëndësishëm si aktor. “Ngrënia në restorante ishte e pamundur për mua. Këto ishin kohë të vështira dhe të dëshpëruara”.

Ylli 73-vjeçar tha gjithashtu: “Unë isha i uritur gjatë viteve ’70 si aktor në fillimet e karrierës sime, vetëm duke u përpjekur të arrija diçka. Unë pata fatin të punoja, por atëherë nuk kishte shumë aktorë që bënin para. Unë isha duke bërë Broadway për herë të parë”.

Sipas Gere, të qenit i uritur ishte normë për shumë njerëz, por veçanërisht për aktorët që nisnin udhëtimin e tyre në Nju Jork.