Emily Ratajkowski është larguar nga banesa ku jetonte me bashkëshortin e saj, Sebastian Bear-McClard në Manhattan, më pak se një muaj pas ndarjes së tyre pas katër vitesh martesë.

Modelja 31-vjeçare u fotografua duke nxjerrë nga apartamenti mobiljet e saj, veprat e artit, veshjet dhe sendet e tjera personale.

Ratajkowski, e cila raportohet se u nda nga producenti 41-vjeçari pasi ai e tradhtoi, u ndihmua për të lëvizur gjërat e saj nga një mike.

Ish-çifti, prindër të një djali, shitën shtëpinë e tyre me tre dhoma gjumi në Los Anxhelos për 2.4 milionë dollarë vetëm disa javë më parë.

Pas ndarjes me ish-partnerin e saj, një burim tha se Ratajkowski po e përballon mirë dhe po fokusohet tek rritja e djalit të saj Sylvester, 16 muajsh.

“Ata u ndanë së fundmi. Ishte vendimi i Emily. Ajo është mirë, e fortë dhe e fokusuar te djali i saj”, tha një burim.

Ratajkoëski planifikon të bëjë kërkesë për divorc, por dokumentet ende nuk janë paraqitur në gjykatë.

Ndarja e tyre vjen pasi një burim tha për Page Six se Sebastian është një tradhtar serial’, duke thënë: “Po, ai tradhtoi. Ai është një mashtrues serial. Është i shpifur. Ai është si një qen.”

“Dihet se burri i saj e ka tradhtuar dhe ata do të divorcohen”, tha komediana , Claudia Oshry, në podkastin The Morning Toast, duke shtuar se kur çifti të konfirmojë zyrtarisht ndarjen, nuk duhet të jetë surprizë për askënd.