Ditën e stome, njerëzit gjithnjë e më shumë janë të etur për të provuar udhëtimin, e tani që më në fund mund të udhëtojmë lirisht nëpër botë, nisja e një udhëtimi vetëm nuk është me një gjë e veçantë, por një përvojë jetësore që tërheq interesin e shumë njerëzve.

Por jo gjithmonë të udhëtuarit vetëm është diçka e bukur, disa njerëz e përfytyrojnë si diçka të frikshme për këdo që i afrohet për herë të parë këtij lloj pushimi.

Disa nga pyetjet më të zakonshme që dikush mund ti bëjë vetes janë: A do të jem i sigurtë? Çfarë rruge duhet të ndjek? Kush do t’i bëjë fotografitë e mia, ndërsa unë shikoj horizontin nga këndvështrimet në distancë?

Por të udhëtuarit vetëm ka edhe aspekte pozitive pasi bota duket ndryshe kur shikohet vetëm nga një palë sy.

Prandaj zgjedhja e destinacionit perfekt dhe më të sigurt për këtë lloj udhëtimi mund të nënkuptojë ndryshimin midis një pushimi të jashtëzakonshëm dhe një qëndrimi më pak të kënaqshëm.

Në ju sugjerojmë 5 destinacione të pagabueshme për udhëtarët e vetmuar, vend në të cilat me siguri mund të përjetoni një aventurë të mrekullueshme.

Japonia

Japonia është një nga vendet më të pastra, më të sigurta, më të arsimuara dhe më të organizuara në botë.

Është gjithashtu jashtëzakonisht interesante për sa i përket ushqimit dhe kulturës, dhe një udhëtim në këtë vend sjell shumë surpriza: nga zotërimi i teknologjisë, te muzetë e artit dhe madje edhe banjat.

Të udhëtosh vetëm në Japoni është edhe më joshëse falë të dhënave të shkëlqyera të sigurisë: shkalla e krimit është mjaft e ulët dhe mund të kesh një ndjenjë të fortë qetësie.

Islanda

Islanda është e mrekullueshme, është ëndrra e shumë adhuruesve të natyrës dhe është vlerësuar si vendi më i sigurt në botë për disa vite rresht.

Përveç kësaj Islanda është jashtëzakonisht intime. Me një popullsi kaq të vogël, ky ishull ndihet më shumë si një lagje e madhe ku të gjithë e njohin njëri-tjetrin sesa një shtet dhe ka aq shumë besim sa njerëzit nuk i mbyllin as makinat kur bëjnë pazar.

Një tjetër gjë për të cilën nuk duhet të shqetësoheni në Islandë është humbja. Shumica e udhëtarëve për në Islandë udhëtojnë në Rrethin e Artë ose Unazën, dhe edhe nëse jeni vetëm, shanset janë që të gjeni shumë turistë të tjerë që bëjnë të njëjtën rrugë si ju.

Singapori

Me një mori atraksionesh kulturore për t’u eksploruar, një sërë përvojash në rritje dhe një nga sistemet më të mira të transportit publik në botë, përfshirë lidhjet e shkëlqyera të aeroportit, ka pak destinacione për udhëtime të pavarura që janë më të mira se kaq.

Për të mos përmendur ushqimin. Qyteti është në fakt i famshëm për ofertën e tij ndërkombëtare të ushqimit dhe tregjet e shitësve ambulantë, ku si vizitorët ashtu edhe vendasit shkojnë për supën pikante me petë.

Kalifornia

Nëse dëshironi të shkoni në Shtetet e Bashkuara për udhëtimin tuaj të parë të vetëm, destinacioni më i mirë është Kalifornia.

Kalifornia është për shumë sinonim i diellit të ndritshëm, mundësive, aventurave dhe madje edhe një skene të jashtëzakonshme ushqimi. Kjo është arsyeja pse është një destinacion i jashtëzakonshëm që ofron një bollëk gjërash për të parë dhe bërë për të gjithë udhëtarët e vetëm.

Mes peizazheve ikonike, parqeve kombëtare, plazheve të serialeve televizive dhe parqeve argëtuese është e pamundur të ndihesh vetëm.

Zelanda e Re

Ky ishull në Oqeanin Paqësor është gjithashtu një nga destinacionet më të mira për një udhëtim të vetëm. Është një nga vendet më të sigurta në botë dhe është një vend tepër i lehtë për t’u qarkulluar.

Njerëzit e Zelandës së Re njihen për miqësorë dhe mendjehapur, gjë që është e shkëlqyeshme nëse dëshironi të bëni një bisedë dhe të bisedoni me një vendas, të kërkoni udhëzime ose këshilla.

Si përfundim, vizita në Zelandën e Re do t’ju lejojë të takoni shumë njerëz, shumë prej tyre udhëtarë të vetëm si ju; të gjitha gjatë vizitës së peizazheve kaq të bukura që të lënë pa frymë.