E dashura e re e futbollistit të Real Madrid, Jude Bellingham është modelja holandeze Laura Celia Valk.

20-vjeçari mësohet se është në lidhje me bukuroshen 25-vjeçare, pas ndarjes nga Asantewa Chitty vitin e kaluar. Raportohet se modelja ka qëndruar rregullisht në shtëpinë e tij në Spanjë.

Ndërkohë që Jude është përpjekur ta mbajë të fshehtë romancën e tyre, duket se influencuesja holandeze ua ka treguar të gjithëve.

“Laura u ka treguar të gjithëve për marrëdhënien. Ajo ka qëndruar në shtëpinë e tij në Madrid gjatë fundjavave të fundit”, tha një burim për The Sun.

Modelja ka qenë në stadium për të parë asin e futbollit duke luajtur në shumë raste.
Ajo u pa për herë të fundit në klubin atletik të Real Madridit më 31 mars, ku fitoi Real Madrid 2-0.

Dyshja, të cilët të dy ndjekin njëri-tjetrin në Instagram, mendohet se po e mbajnë të fshehtë romancën e tyre.