Ish këngëtari i One Direction, Zayn Malik dhe modelja amerikane Gigi Hadid kanë mirëpritur një vajzë "të shëndetshme dhe të bukur".

Duke njoftuar lindjen në Twitter, Malik, ndau një foto bardh e zi të dorës së vogël të vajzës që shtrëngon gishtin e tij.

Ai shkruajti krahas imazhit: "Dashuria që ndiej për këtë njeri të vogël është përtej kuptimit tim".

Hadid, 25 vjeç, konfirmoi se ajo ishte shtatzënë në prill të këtij viti ndërsa ishte e ftuar në Tonight Show të Jimmy Fallon.

Ajo i tha drejtuesit të emisionit të bisedave në SHBA se ajo dhe Malik ishin "të lumtur dhe mirënjohës për dëshirat dhe mbështetjen e të gjithëve".

Malik është anëtari i tretë i One Direction që bëhet baba.

Louis Tomlinson mirëpriti djalin Freddie në janar 2016, ndërsa Liam Payne ka një djalë tre vjeçar, Bear, me këngëtaren Cheryl.

Our baby girl is here, healthy & beautiful??????????to try put into words how i am feeling right now would be an impossible task. The love i feel for this tiny human is beyond my understanding.Grateful to know her, proud to call her mine, & thankful for the life we will have together x pic.twitter.com/nvhfOkk2fw

— zayn (@zaynmalik) September 24, 2020