Portugalia nuk arriti të siguronte vendin e parë në Grupin K të Kupës së Botës 2026, pasi barazoi 0-0 me Kolumbinë në një ndeshje me shumë raste për shënim. Ky rezultat bëri që portugezët ta mbyllnin grupin në vendin e dytë, ndërsa Kolumbia avancoi si kryesuese.
Kolumbianët e nisën më mirë takimin dhe krijuan disa raste të rrezikshme. Jhon Córdoba fillimisht goditi me kokë mbi portë, ndërsa më pas u ndal nga një pritje e shkëlqyer e Diogo Costa-s. Pak më vonë, Rúben Neves largoi topin mbi vijën fatale pas një goditjeje të Jhon Ariasit.
Portugalia reagoi gradualisht. Cristiano Ronaldo provoi nga një goditje dënimi, por Camilo Vargas ishte i vëmendshëm. Portieri kolumbian u dallua edhe me një pritje spektakolare ndaj Bruno Fernandesit, ndërsa tentativa akrobatike e João Félixit kaloi mbi traversë.
Edhe pjesa e dytë ishte e luftuar. Félix humbi një tjetër mundësi të mirë, ndërsa Jefferson Lerma nuk arriti të mposhtte Diogo Costa-n. Me kalimin e minutave, Kolumbia u bë më këmbëngulëse në sulm, por Richard Ríos goditi pranë shtyllës, ndërsa Costa bëri një tjetër pritje vendimtare ndaj Arias-it.
Në minutat shtesë, Davinson Sánchez dërgoi topin në rrjetë, por goli u anulua për një pozicion jashtë loje.
Me këtë barazim, Kolumbia ruajti vendin e parë në grup dhe në fazën e 1/16-ave do të përballet me Ganën. Ndërkohë, Portugalia e mbylli grupin në vendin e dytë dhe në raundin tjetër do të ketë përballë Kroacinë.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
I pandalshmi! Gol në 7 ndeshje radhazi në Botëror, ja rekordin e kujt theu Messi 
Federata e Futbollit të Uruguait anulon fluturimin çarter të lojtarëve nga Kupa e Botës si ndëshkim
Botërori/ Bakshishet, ‘hall’ më vete në SHBA, tifozët dalin kundër: Këtu duan bakshish edhe kur blen ujë