Tajfuni Bavi lëviz drejt lindjes së Kinës, miliona të evakuuar dhe të zhvendosur

Tajfuni Bavi që lëviz midis Kinës, Tajvanit dhe Japonisë solli erëra të forta dhe shira të rrëmbyeshëm në pjesët lindore të Kinës dhe arriti në provincën Zhejiang.

Tajfuni është dobësuar sot dhe stuhia tropikale është qetësuar, ndërsa erërat në qendër po fryjnë me një shpejtësi prej 101 kilometrash në orë, sipas të dhënave nga Qendra Kombëtare Meteorologjike e Kinës.

Bavi pritet të lëvizë më tej në veriperëndim, mbi Kinën lindore.

Tajfuni kaloi dje në veri të Tajvanit, por nuk arriti në tokë.

Shërbimi zjarrfikës i Tajvanit tha se të paktën 134 persona ishin plagosur në të gjithë ishullin deri në mëngjesin e sotëm.

Erëra të forta dhe reshje të dendura shiu pritet të godasin shumë qytete në Kinën lindore sot, tha shërbimi meteorologjik shtetëror.

Më shumë se 290,000 njerëz u evakuuan nga zonat e kërcënuara të Shangait, sipas mediave lokale.

Autoritetet në Zhejiang evakuuan rreth 2.2 milionë banorë, ndërsa më shumë se 180,000 njerëz u shpëtuan në provincën Fujian.

Aeroportet Pudong dhe Hongqiao të Shangait mund të presin rreth 653 fluturime hyrëse, raporton agjencia e lajmeve Sinuha.

Sipas transmetuesit shtetëror CCTV, më shumë se 1,300 pemë u prenë në qytetin bregdetar Yueqing në provincën Zhejiang, me të paktën 700 të shkulura me rrënjë.