Në një intervistë me "BBC", politikani i krahut të djathtë u zotua se do t'i kthente ishujt përmes kanaleve diplomatike, por tha se nuk kishte zgjidhje të menjëhershme.

Gjuha e tij për statusin e Falklands është e ndryshme nga udhëheqësit e kaluar, të cilët historikisht kanë deklaruar se ishujt janë argjentinas.

Presidenti Milei pranoi se mund të duhen dekada për të fituar sovranitetin e Ishujve Falkland nga Britania e Madhe dhe tha se Argjentina nuk "kërkon konflikt".

Kjo vjen pasi ai premtoi një "udhërrëfyes" që ishujt të bëhen argjentinas, në 42-vjetorin e Luftës së Falklands në fillim të prillit.

Ai kishte kritikuar politikanët që “rrahin gjoksin duke kërkuar sovranitetin e ishujve, por pa asnjë rezultat”.

Mbretëria e Bashkuar dhe Argjentina hynë në luftë për territorin britanik jashtë shtetit - të njohur si Malvinat në Argjentinë - në 1982.

Pushtimi mori jetën e 255 ushtarakëve britanikë, tre banorëve të ishullit dhe 649 personelit argjentinas.

Por Presidenti Milei vlerësoi Margaret Thatcher e cila ishte kryeministre e Mbretërisë së Bashkuar gjatë Luftës së Falklands.