Kryeministri i Suedisë ka reaguar pas lajmit se vendi i tij është bërë anëtari më i fundit i NATO-s.

Ulf Kristersson tha se “uniteti dhe solidariteti do të jenë dritat udhëzuese të Suedisë si një anëtare e NATO-s.

 “Ne do të ndajmë barrën, përgjegjësitë dhe rreziqet me aleatët tanë”, pohoi shefi i qeverisë suedeze, shkruan skynews.

Ai paralajmëroi se “Rusia do të mbetet një kërcënim serioz për sigurinë euro-atlantike”.

Suedia, e cila u bë sot anëtarja e 32-të e aleancës ushtarake në një ceremoni në Uashington, ka ndryshuar qëndrimin e saj historikisht neutral në përgjigje të kërcënimit nga shteti rus.

Ndryshe, një ceremoni e ngritjes së flamurit është planifikuar në selinë e aleancës në Bruksel të hënën për të shënuar ceremonialisht pranimin.

Kujtojmë se fqinja e Suedisë, Finlanda iu bashkua aleancës më 4 prill. Me dy vendet nordike në aleancë, NATO kontrollon pothuajse të gjithë Detin Baltik – një goditje strategjike për Rusinë.

Suedia ka gjithashtu një ushtri të pajisur mirë dhe një industri të fortë armësh. Vendi synon të shpenzojë 2.1 për qind të GJDP-së për mbrojtjen këtë vit, mbi objektivin e NATO-s dhe pothuajse dyfishin e asaj që shpenzonte deri në vitin 2020.

❗️🇸🇪 Swedish Prime Minister Ulf Kristersson handed over documents on the country's accession to NATO to #US Secretary of State Antony Blinken.

Thus, the procedure for the country to join the alliance is officially completed.#NATO Secretary General Jens Stoltenberg announces… pic.twitter.com/4tx5nKEBGL

— NEXTA (@nexta_tv) March 7, 2024