Nëna e Alexey Navalny, Lyudmila Navalnaya, e pa për herë të fundit djalin e saj në burg të hënën dhe ai ishte "i shëndetshëm dhe i gëzuar", citohet të ketë thënë ajo për gazetën e pavarur ruse Novaya Gazeta.

“Nuk dua të dëgjoj asnjë ngushëllim. Ne e pamë djalin tonë në burg në datën 12 - ishim në një vizitë. Ai ishte i gjallë, i shëndetshëm dhe i gëzuar.”

Foto arkiv: Alexey duke i thënë lamtumirë nënës së tij pas vendimit të gjykatës në Kirovles

Siç thanë mjekët për Interfax-in, ambulanca arriti në koloni për shtatë minuta. U deshën edhe dy minuta të tjera për të hyrë në objekt.

“Mjekët që mbërritën në vendngjarje vazhduan masat e reanimacionit që tashmë po jepeshin nga mjekët e institucionit. Dhe ata kaluan më shumë se gjysmë ore. Megjithatë, pacienti ka ndërruar jetë”, thuhet në spital.

Novaya Gazeta vërejeti se distanca midis qytetit dhe burgut është pothuajse 35 kilometra.

Siberi, Shërbimi Rus i Burgjeve njofton për vdekjen e liderit opozitar Navalny tek 'Ujku Polar'

Figura kyç e burgosur e opozitës ruse dhe kritiku i hapur i Kremlinit, Alexey Navalny, i cili zuri titujt kryesorë të mediave botërore kur u helmua me një lëndë kimike në vitin 2020, ka vdekur. Njoftimi u dha nga shërbimi rus i burgjeve, shkruan CNN.

Navalny kishte qenë prej kohësh një gjemb në fytyrën e Presidentit Vladimir Putin, duke ekspozuar korrupsionin në nivele të larta, duke bërë fushatë kundër partisë në pushtet Rusisë së Bashkuar dhe duke orkestruar disa nga protestat më të mëdha antiqeveritare të parë në vitet e fundit.

Ai u kthye në Rusi në vitin 2021 dhe u arrestua me shpejtësi me akuza që i hodhi poshtë si të motivuara politikisht. Që atëherë ai ka qenë i burgosur.

Navalny u dënua me 19 vjet burg në gusht, pasi u shpall fajtor për krijimin e një komuniteti ekstremist, financimin e aktivistëve ekstremistë dhe krime të tjera të ndryshme. Ai po vuante dënimet me 11 vjet e gjysmë në një institucion të sigurisë maksimale për shumë akuza  që s’i pranoi kurrë.

Mbështetësit e Navalny pretenduan se arrestimi dhe burgosja e tij ishin një përpjekje e motivuar politikisht për të mbytur kritikat e tij ndaj Putinit.

Vdekja e Navalany vjen pak para zgjedhjeve presidenciale të Rusisë, që do të mbahen më 17 mars, ku Putin do të konkurrojë për mandatin e tij të pestë, në një lëvizje që mund ta bëjë atë të mbajë pushtetin të paktën deri në vitin 2030.

Katër muaj më vonë, avokatët e tij thanë se kishin humbur kontaktet me Navalny, i cili besohej se ishte i burgosur në një institucioni vuajtjeje dënimi rreth 150 milje në lindje të Moskës. Shtëpia e Bardhë në atë kohë tha se ishte "thellësisht e shqetësuar" për lajmet që flisnin për zhdukjen e Navalny.

Ai nuk u paraqit në disa seanca të planifikuara gjyqësore në dhjetor. Ekipi i tij ligjor tha më 22 dhjetor se ai ishte zhdukur prej 17 ditësh. "Navalny nuk ka qenë kurrë i fshehur për kaq gjatë," tha ekipi i Navalny në një postim në Telegram.

Pas paraqitjes së 680 kërkesave për të gjetur Navalny, ekipi i tij njoftoi më 25 dhjetor se ata e kishin "gjetur" atë më shumë se një mijë milje larg në koloninë penale IK-3 në Kharp, e njohur si "Ujku Polar".

“Kushtet atje janë të ashpra, me një regjim të veçantë në zonën e permafrostit. Është shumë e vështirë për të arritur atje dhe nuk ka sisteme të dërgesës së letrave, "tha Ivan Zhdanov, drejtor i fondacionit kundër korrupsionit të Navalny./ar.sh/SYRI.NET