Raportuesja speciale e OKB-së i bëri thirrje Londrës të martën që të mos ekstradojë Julian Assange në SHBA, i cili është akuzuar për zbulimin e qindra mijëra dokumenteve të klasifikuara të Pentagonit dhe Departamentit të Shtetit, duke përmendur rrezikun që themeluesi i WikiLeaks paraqet.

Në një deklaratë të lëshuar nga Komisionerja e Lartë e OKB-së për të Drejtat e Njeriut, Alice Jill Edwards i bën thirrje qeverisë britanike të “ndalojë ekstradimin e Julian Assange “, për të cilin Londra kishte rënë dakord fillimisht në qershor 2022.

Më 20 dhe 21 shkurt, dy gjyqtarë britanikë do të shqyrtojnë vendimin e 6 qershorit nga një gjyqtar i vetëm për të mos lejuar apelimine themeluesit të ËikiLeaks.

Nëse ekstradohet, ai mund të mbahet në izolim për një periudhë të gjatë kohore në pritje të gjykimit të tij.  Nëse dënohet, ai mund të dënohet deri në 175 vjet burg.

Sipas Alice Jill Edwards, “rreziku për t’u mbajtur në izolim për një periudhë të zgjatur pavarësisht nga shëndeti i tij mendor dhe vendosja e një dënimi potencialisht disproporcional ngre pyetje nëse ekstradimi i Assange në SHBA do të ishte në përputhje me të drejtat ndërkombëtare të njeriut në Mbretërinë e Bashkuar.

52-vjeçari po ndiqet penalisht në SHBA për zbulimin që nga viti 2010 i më shumë se 700,000 dokumenteve konfidenciale dhe të klasifikuara në lidhje me aktivitetet ushtarake dhe diplomatike të SHBA-së, veçanërisht në Irak dhe Afganistan.

Pasi u arrestua nga policia britanike në prill 2019 pas shtatë vitesh i mbyllur në ambasadën ekuadoriane në Londër për të shmangur ekstradimin në Suedi për akuzat për sulm seksual që janë hequr që atëherë, ai ka qëndruar në burg për katër vitet e fundit.

Mbështetësit e australianit e konsiderojnë atë një martir të lirisë së shtypit.