Shirat e rrëmbyeshëm që i kthyen rrugët në lumenj kanë vrarë të paktën 11 persona në Brazil.

Stuhia goditi veçanërisht fort pjesët veriore të Rio de Zhaneiros, tha të dielën Departamenti i Zjarrfikësve, shkruajnë mediat e huaja, përcjell Telegrafi.

Njerëzit në zonë vdiqën nga rrëshqitjet e dheut, mbytjet dhe “goditjet” elektrike.

Zjarrfikësit ishin ende në kërkim të një gruaje që u zhduk pasi makina e saj ra në një lumë që nga mbrëmja e së dielës.

Uji nga stuhia arriti në çatitë e makinave në disa pjesë të Avenida de Brasil, një rrugë kryesore në qytet.

Kryebashkiaku Eduardo Paes vlerësoi situatën një “emergjencë” dhe u kërkoi njerëzve të qëndrojnë në shtëpi.

Një duzinë linjash autobusësh u mbyllën dhe disa stacione metroje u mbyllën për shkak të ujit në shina.

Disa pjesë të qytetit panë sasinë e një muaji të nivelit të zakonshëm të shiut në janar në vetëm 24 orë.

Një raport nga zjarrfikësit tregoi se ata ishin përgjigjur ndaj 200 ngjarjeve të lidhura me stuhitë.

Ndërsa një agjenci kombëtare që monitoron fatkeqësitë natyrore tha se ekzistonte një rrezik i lartë i rrëshqitjeve të dheut në tetë qytete në shtetin përreth Rio de Janeiro.

Jet skis on the streets of Rio De Janeiro after major flooding. Sadly at least 9 people dead pic.twitter.com/6NKIt1Uk2d

— Matthew Todd 🌏🔥 (@MrMatthewTodd) January 15, 2024

🎥 Metrô no Rio de Janeiro. Cadê o Governador?pic.twitter.com/ivCkFjSYgL

— Ivan (@ivan) January 14, 2024

More footage of flooding due to heavy rainfall in Rio de Janeiro, Brazil 🇧🇷 | 14 January 2024 | #floods #flooding #Brazil #RiodeJaneiro pic.twitter.com/0YVBqElDVL

— Disaster Tracker (@DisasterTrackHQ) January 15, 2024