Shtetet e Bashkuara vazhduan sulmet ndaj rebelëve Huthi në Jemen. Por a janë të lidhura këto sulme me atë që po ndodh në Gaza?

Nga Frank Gardner, BBC

Linja zyrtare e qeverisë perëndimore për sulmet ajrore të vazhdueshme ndaj objektivave Huthi në Jemen është se ato janë mjaft të ndara nga lufta në Gaza. Ato janë një ‘përgjigje e nevojshme dhe proporcionale’ ndaj sulmeve të paprovokuara dhe të papranueshme të rebelëve Huthi ndaj anijeve tregtare në Detin e Kuq, thonë ata.

Në Jemen dhe në botën më të gjerë arabe, ato shihen mjaft ndryshe.

Atje, ata shihen si një bashkim i SHBA dhe Britanisë së Madhe në luftën e Gazës në anën e Izraelit, pasi rebelët Huthi kanë deklaruar se veprimet e tyre janë në solidaritet me Hamasin dhe popullin e Gazës. Një teori madje thotë se ‘Perëndimi po vepro në emër të Netanyahut’.

Është ende e mundur që këto sulme ajrore të kenë një efekt zmbrapsës për rebelët Huthi. Ata me siguri do të degradojnë kapacitetin e tyre për të sulmuar anijet në terma afatshkurtër.

Por sa më gjatë të vazhdojnë këto sulme ajrore, aq më i madh është rreziku që SHBA dhe Britania e Madhe të zhyten në një tjetër konflikt në Jemen.

Sauditëve iu janë dashur më shumë se tetë vjet për t’u larguar prej andej- dhe tani rebelët Huthi janë më të rrënjosur se kurrë.