Nga Henri Olsen

E mërkura ishte një ditë e mrekullueshme për Nikki Haley-n. Me tërheqjen e Chris Christie-t dhe me Haley-n që u paraqit "mjaftueshëm mirë" në debat, ajo tani ka të ngjarë të dalë si pretendentja përfundimtare për t'u përballur me Donald Trump-in për kandidaturën presidenciale republikane.

Largimi i Christie-t e ndihmon Haley-n sepse ata po konkurronin për të njëjtin grup votuesish. Të dy morën mbështetje nga krahu i moderuar i partisë dhe nga të pavarurit. Sondazhet kanë treguar se Haley është zgjedhja e dytë për votuesit e Christie-t. Vendimi i tij i jep një shtytje fushatës së saj tashmë në rritje.

Kjo shtytje mund ta bëjë Haley-n fituese në New Hampshire. Sondazhet tregojnë se ajo është pas Trump-it me një mesatare prej 14 pikësh, por Christie kishte qenë rreth 11 për qind. Nëse, siç pritej, shumica e këtyre votave tani shkojnë për të, Haley do ta mbyllë hendekun në një diferencë të vogël njëshifrore. Do të duhej vetëm një përmirësim i vogël, ndoshta i nxitur nga momenti i një vendi të dytë në Iowa, për ta vendosur atë në krye.

Debati i së mërkurës mbrëma ka të ngjarë të mos e prishë këtë analizë. Haley nuk bëri paraqitjen e saj më të mirë, por ajo përballoi një mori goditjesh nga rivali i saj, Ron DeSantis. Kjo, plus fokusi i qartë i DeSantis-it te votuesit konservatorë që nuk ka gjasa të jenë të interesuar për Haley-n do të thotë se ajo ndoshta nuk do ta shohë ngritjen e saj të kthehet në bumerang.

DeSantis synon të jetë konservatori i ashpër. Herë pas here ai theksoi se lufton dhe fiton. Armiqtë e tij të supozuar varionin nga liberalët si aktivisti financier Xhorxh Soros dhe sindikatat e mësuesve, gjë që e karakterizoi si kapitalizëm globalist e i vetëdijshëm që interesohet më shumë për fitimet sesa për vendin apo fëmijët tuaj. Ai përmendi kundërshtimin e tij ndaj mandateve të epokës Covid, kryesisht një shqetësim sot në të djathtën ekstreme, dhe premtoi se do të jepej llogari për atë që është bërë gjatë pandemisë. Konservatorët që duan debat pëlqyen shumë gjëra te guvernatori i Floridës.

Haley, nga ana tjetër, e konsideroi veten si konservatore pragmatike. Ajo foli për mënyrën sesi i ka bërë gjërat si guvernatore e Karolinës së Jugut ose si ambasadore e Kombeve të Bashkuara. Ajo shpenzoi më pak kohë duke folur për çështjet e luftës kulturore dhe më shumë kohë për gjërat kryesore si qeveria më e vogël dhe ulja e taksave. Ajo përmendi vazhdimisht formimin e saj para-politik si kontabiliste, duke thënë se ishte koha që një kontabilist të ishte president për t'i dhënë fund shpenzimeve të kota të deficitit. Ata që duan t'i jepet fund asaj që ajo e quajti "kaos" do të shohin tek ajo një kandidate interesante.

Të dy u përballën më drejtpërdrejt në politikën ndaj Ukrainës. Haley mbështet me vendosmëri ndihmën ushtarake për Ukrainën, duke thënë se mbështetja e këtij kombi në luftën e tij kundër Rusisë është një mënyrë për të parandaluar një luftë të ardhshme midis Rusisë dhe vendeve të NATO-s. DeSantis thotë se lufta duhet të përfundojë sepse është një shterim i burimeve amerikane që mund të pozicionohen më mirë për të shmangur agresionin kinez në Paqësor. Sondazhet tregojnë se votuesit republikanë janë të ndarë për këtë çështje, duke u dhënë të dyve hapësirë të mjaftueshme për të tërhequr mbështetje. Të dy gjithashtu shtuan sulmet e tyre ndaj kandidatit kryesor që mungonte në debat, Donald Trump, duke thënë se ai duhet të kishte pranuar ftesën për debat në mënyrë që të mund të mbronte të dhënat e tij. DeSantis tha vazhdimisht se Trump nuk e mbajti premtimin e tij për të ndërtuar murin në kufirin me Meksikën, ndërsa Haley u përqendrua në shtimin e deficitit federal nga Trump-i. Këto linja sulmi përforcuan përsëri arsyetimin kryesor të secilit person për kandidimin.

Deklaratat e Haley-t në fund të debatit se 6 janari ishte një ditë e tmerrshme dhe se Trump humbi zgjedhjet mund të rezultojnë të jenë më bindëse me kalimin e kohës. Shumica e republikanëve nuk pajtohen me këto vlerësime, por pakicat e rëndësishme, pajtohen. Për më tepër, të pavarurit mbështesin kryesisht pikëpamjet e saj. Mund të imagjinohet një skenar ku mediat kombëtare, që kanë qenë të etura për të injektuar diskutime rreth trazirave të 6 janarit në garën e Partisë Republikane, t'i përdorin këto komente në ditët në vijim. Nëse kjo ndodh, mund të ndezë një luftë të drejtpërdrejtë fjalësh mes saj dhe Trump-it, i cili kurrë nuk i ka kafshuar buzët në konflikte të tilla.

Megjithatë, DeSantisi përballet me sfidën më të madhe fillestare. Haley mund të bëjë mirë në Iowa thjesht duke konsoliduar mbështetjen e republikanëve të cilët tashmë preferojnë të largohen nga Trump-i. DeSantis po konkurron drejtpërdrejt me Trump-in për besnikëri konservatore. Ai mund të fitojë teorikisht duke i bindur konservatorët se Haley nuk është për ta. Por nëse në fund preferojnë Trump-in, ai nuk përfiton asgjë thelbësore. Ai fiton betejat, por e humb luftën.

Kjo është arsyeja pse paraqitja e Haley-it është mjaftueshëm e mirë. Votuesit që do ta konsideronin atë, gjetën prova të shumta për të mbështetur prirjet e tyre dhe DeSantis nuk bëri asgjë për t'i hedhur poshtë. DeSantis, nga ana tjetër, nuk bëri mjaftueshëm për të bindur ata që priren drejt Trump-it të ndryshojnë mendje. Me shumë gjasa, kjo do të thotë një vazhdim i tendencës të debatit paraprak: Haley fiton me votuesit jo-MAGA (Ta bëjmë Amerikën të madhe sërish) dhe e djathta qëndron me Trump-in.

Momenti ishte me Haley para të mërkurës. Ajo nuk është zgjedhja e konservatorëve të MAGA-s, por nuk ka nevojë të jetë për të mposhtur pritshmëritë dhe për të dalë e dyta në Iowa. Nëse kjo ndodh, fushata e DeSantis-it ka mbaruar dhe Haley shkon te New Hampshire-t. E fuqizuar atje me ish-votuesit e Christie-t, beteja njëjavore me Trump-in do të jetë epike./The Telegraph-përktheu Syri.net