Shaimaa Khalil, korrespondentee BBC News, në Jerusalem

"Khaim, akhshav, gjallë, tani."

Këto, midis shumë këngëve të tjera u dëgjuan në parkun që çon në Knesset këtu në Jerusalem.Mijëra adoleshentë marshuan drejt parlamentit izraelit, duke kërkuar lirimin e menjëhershëm të më shumë se 100 pengjeve ende rob tëHamasit në Gaza.Shumë nga demonstruesit e rinj janë nga komunitetet më të goditura nga sulmet vdekjeprurëse të 7 tetorit.

"Unë jam nga KibbutzKfarAza," thotë Shiri Khiyali, "Isha atje më 7 tetor. Njerëzit e mi u rrëmbyen. Ne duam që ata të kthehen. Ne duam që ata të kthehen tani.”

Mesazhi si nga qeveria ashtu edhe nga ushtria është i qartë. Kjo luftë nuk do të përfundojë së shpejti. Izraeli do të vazhdojë të luftojë, tha kryeministri disa herë në shumë mënyra.

Mund ta ndjeni zhgënjimin këtu.

"Ne humbëm tre nga pengjet tanë të cilët u vranë gabimisht prej këtyre luftimeve," thotë GomehHaimas, duke shtuar se dy prej tyre ishin nga Kibuci i saj, KfarAza.Ajo më thotë se ajo për të cilën shqetësohen shumë në këtë marshim është humbja e më shumë pengjeve.

"Ne jemi të shqetësuar se kjo (luftë) do të zgjasë me vite."

Presioni i brendshëm mbi qeverinë Netanyahu vazhdon, veçanërisht nga anëtarët e familjes që kanë frikë se sa më gjatë të vazhdojë kjo luftë, aq më gjatë do të duhet që të dashurit e tyre të kthehen në shtëpi./BBC - Syri.net