Agjencia kryesore e ndihmës e OKB-së në Gaza thotë se shiu i madh i rënë në rajon të hënën, ka shkaktuar kushte "të pajetueshme" në strehimore.

Agjencia e Kombeve të Bashkuara për Ndihmën dhe Punën për Refugjatët Palestinë në Lindjen e Afërt (UNRWA) postoi një video në X që tregon turmat në Gaza duke shkelur në pellgjet e shiut. 

"Shi i dendur po bie në të gjithë Rripin e Gazës. Situata në strehimore është e pajetueshme. Njerëzit nuk kanë mundësi," tha agjencia në postim. 

Ujërat e zeza po rrjedhin gjithashtu nëpër rrugët e Gazës, sipas një zyrtari të lartë të UNRWA. 

Drejtori i Çështjeve të UNRWA Thomas White tha në një postim në X se ka vetëm karburant të mjaftueshëm për të funksionuar pompat e ujërave të zeza me kapacitet 55%.

UNRWA ka theksuar vazhdimisht se i kufizimet me karburant  nga Izraelit në Gaza në shërbimet kryesore, përfshin dhe  sistemet e ujërave të zeza. 

Javën e kaluar, Izraeli miratoi hyrjen e dy rezervuarëve të karburantit në Gaza çdo ditë, duke shkaktuar dënim nga Komisioneri i Përgjithshëm i UNRWA, Philippe Lazzarini, i cili e përshkroi sasinë si "larg të mjaftueshme".