Këshilltari i qeverisë izraelite, Tzachi Hanegbi iu përgjigj kritikave nga politikanët izraelitë të ekstremit të djathtë mbi vendimin për të lejuar dy cisterna me karburant në Gaza çdo ditë për të furnizuar pompat e ujit dhe të ujërave të zeza të operuara nga UNRWA.

Hanegbi tha se marrëveshja pasoi një “kërkesë të veçantë nga Shtetet e Bashkuara”, shkruan Al Jazeera.

“Vendimi ishte që ne duam të parandalojmë përhapjen e sëmundjeve. Aktualisht nuk kemi nevojë për epidemi që do të dëmtojnë civilët atje ose ushtarët tanë. Nëse ka një epidemi, luftimet do të ndërpriten”, tha ai.

“Nëse ka një krizë humanitare dhe një protestë ndërkombëtare, ne nuk do të jemi në gjendje të vazhdojmë luftimet në ato kushte. Hanegbi shtoi se ushtria izraelite dhe inteligjenca izraelite thanë se karburanti nuk do të ndihmonte Hamasin ose “na pengonte të arrijmë qëllimet e luftës”, shtoi Hanegbi.