Nga Jeremy Bowen, BBC

Gjatë ditëve të fundit kam folur me burime në Katar që po punojnë për negociatat mes Izraelit dhe Hamasit. Ata thanë se kishin qenë afër një marrëveshje për pengjet që mbaheshin në Gaza.

Një kontakt më tha se kishin bërë të gjithë gjërat e vështira. Ata po vendosnin pikat mbi i, kur Izraeli filloi pushtimin tokësor.

Pozicioni i Izraelit është se, edhe pse ka 240 pengje, ata nuk duan t’i japin Hamasit asnjë lloj pandëshkueshmërie apo shpërblimi për atë që kanë bërë.

Kemi dëgjuar nga zëdhënësit e qeverisë izraelite që thonë se forca dhe vetëm forca është mënyra e vetme për ta bërë Hamasin të lirojë pengjet.

Megjithatë, shumë familje të pengjeve thonë se duhet të bëjmë një marrëveshje tani.

E kam parë disa herë videon e pengjeve që u publikua dje dhe nuk më dukej se ishte pjesë e një skenari.

Të gjitha videot e pengjeve janë bërë në momente stresi, por në fund të videomesazhit, gruaja që fliste, i bërtet Netanyahu-t se duhet të bësh një marrëveshje, duhet të na nxjerrësh tani.