Policia franceze ka qëlluar me armë zjarri këtë të martë (31 tetor) një grua e cila kërcënoi duke tentuar të hedhë vetën veten në erë, pranë një stacioni treni, në Paris.
Sipas dëshmitarëve viktima ishte tërësisht e mbuluar dhe bërtiti “Allahu akbar” (“Zoti është më i madhi”) dhe kërcënoi se do hidhte në erë vendin bashkë me veten e saj, raporton Daily Mail.
Pasi pasagjerët njoftuan policinë, oficerët arritën të izolojnë gruan në stacionin në bregun jugor të kryeqytetit duke e qëlluar pasi kishin frikë për sigurinë e qytetarëve.
Mësohet se gruaja është dërguar në spital dhe gjendja e saj ishte kritike.
Incidenti i së martës bëri që të nisë plani anti-terrorist Vigipirate, duke mbyllur stacionin e trenit dhe duke rrethuan zonën.
Franca ka qenë në “gatishmëri sulmi” që nga 13 tetori, kur një mësues në qytetin verior të Arras u godit me thikë për vdekje nga një ish-nxënës islamik.
© SYRI.net