Kryeministri i Polonisë Mateusz Morawiecki bëri thirrje për "veprim urgjent diplomatik" të premten pasi policia holandeze arrestoi dy lojtarë të Legia Varshavës pas një ndeshjeje të Ligës së Konferencës së Evropës.

Dy lojtarët të përmendur në raporte të shumta mediatike si Radovan Pankov dhe Josue Pesqueira u arrestuan të enjten pas një ndeshjes kundër AZ Alkmaar. 

Sipas deklaratave të policisë dhe qytetit të Alkmaar, të dy u arrestuan për sulme të dyshuara ndaj punonjësve të AZ "në atë masë saqë ishte i nevojshëm kujdesi mjekësor".

“Vendimi i Prokurorisë Publike për arrestimin e lojtarëve nuk u mor lehtë dhe u diskutua paraprakisht me policinë,” tha kryeprokurori Digna van Boetzelaer në deklaratë. “Këta janë të dyshuar për vepra të rënda penale, të cilat Prokuroria Publike … do t’i vlerësojë me kujdes.”

Pas lajmeve për arrestimet, Morawiecki bëri thirrje që Ministria e Punëve të Jashtme të Polonisë të ndërmarrë veprime për të "verifikuar ngjarjet e natës".

“Lojtarët dhe tifozët polakë duhet të trajtohen në përputhje me ligjin”, tha Morawiecki në X,  Twitter. 

Presidenti i Legia-s, Dariusz Mioduski, tha gjatë një konference për shtyp se ajo që ndodhi ishte "një skandal absolut" dhe se ata "po krijojnë një histori që nuk është e vërtetë".

“Nuk kam parë ndonjë agresion nga lojtarët ndaj policisë,” tha ai. “Do të shohim se çfarë do të tregojnë raportet, por unë i kam parë të gjitha dhe nuk besoj vërtet në të.”

Autoritetet holandeze thanë se tifozët e Legias u bënë të dhunshëm në ditën e ndeshjes, e cila përfundoi 1-0 në favor të skuadrës holandeze, me shumë punonjës të lënduar si pasojë. 

Policia përdori gaz lotsjellës për të "mbrojtur sigurinë e tyre", por gjatë pasdites tensionet u përshkallëzuan deri në atë pikë sa kryebashkiaku e caktoi zonën përreth stacionit të Alkmaar dhe stadiumin si "rrezik sigurie".