Katër astronautë janë kthyer në Tokë pasi qëndruan për gjashtë muaj në Stacionin Ndërkombëtar të Hapësirës.

Kapsula e tyre SpaceX ra me parashutë në Atlantik në brigjet e Floridës.

Pas një gjysmë viti, tokë prekën më në fund astronautët e NASA-s Stephen Bowen dhe Warren ‘Woody’ Hoburg, Andrei Fedyaev i Rusisë dhe Sulltan al-Neyadi i Emirateve të Bashkuara Arabe, personi i parë nga bota arabe që kaloi një kohë kaq të gjatë në orbitë.

Përpara se të niseshin nga stacioni hapësinor, ata thanë se kishte marrë malli për një dush të nxehtë, një filxhan kafeje dhe për ajrin e oqeanit.

Kthimi i tyre në shtëpi u vonua një ditë për shkak të motit të keq në vendin ku do të ulej kapsula.

Ndërsa ndodhej në hapësirë, ekuipazhi kreu më shumë se 200 eksperimente.

Për më tepër, Boëen, Hoburg dhe AlNeyadi kryen disa shëtitje hapësinore dhe modernizuan sistemet e energjisë dhe instaluan grupe të reja diellore në stacionin hapësinor i cili orbiton rreth Tokës që nga viti 2000.

Kapsula e Crew Dragon po udhëtonte me më shumë se 17,000 milje në orë dhe ndërsa filloi pjesën e fundit të zbritjes, pjesa e jashtme e jashtme e anijes u nxeh deri në rreth 1 926 gradë Celsius

Brenda kabinës së anijes, pasagjerët mbroheshin nga një mburojë nxehtësie. Temperatura brenda në kapsulë qëndron 37.78 gradë Celsius.