E lindur vetëm një muaj më parë, pak më pak se dy metra e gjatë tashmë është një yll.

 Po, sepse foshnja gjirafë e lindur më 31 korrik të këtij viti në parkun e kafshëve të egra Bright Zoo në Limestone, Tennessee (SHBA) ka një veçori unike në botë: ajo ka lindur pa pulla.

Në fakt, lëkura e saj është në ngjyrë të kuqërremtë dhe uniforme dhe nuk ka pullat karakteristike poligonale tipike të specieve të saj.

Një ekzemplar shumë i rrallë: Sipas parkut të kafshëve të egra, foshnja gjirafë ende pa emër mund të jetë ekzemplari i vetëm në planet. I fundit për të cilin dimë ka lindur në një kopsht zoologjik të Tokios 50 vjet më parë, shkruan CBS. Dhe gjirafat kanë një jetëgjatësi mesatare prej 25 vjetësh. Gjirafa foshnje është në gjendje të shkëlqyer shëndetësore dhe është nën kujdesin e nënës së saj. Kopshti zoologjik ka shpallur një konkurs publik për t'i vendosur emrin gjirafës së re. Opsionet e zgjedhura janë Kipekee, që do të thotë "unik" në suahili; Firayali, që do të thotë e pazakontë; Shakiri, që do të thotë "ajo është më e bukura"; dhe Jamella, e cila është "një nga bukuritë e mëdha".

Një specie e rrezikuar- Tek gjirafat, lëkura nën njolla ka një sistem enësh gjaku që u lejon atyre të lëshojnë nxehtësi përmes qendrës së çdo njolle, duke siguruar një formë rregullimi termik. Çdo gjirafë - përveç të sapoardhurit nga Tenesi - ka "modelin" e vet të njollave dhe studiuesit besojnë se këto tipare janë trashëguar nga nënat e tyre. 

Brights Zoo shpreson se lindja e pazakontë mund të ndihmojë në nxjerrjen në pah të sfidave me të cilat përballen gjirafat në mbarë botën. Kafsha më e gjatë në botë kërcënohet nga fragmentimi i habitatit të saj në Afrikë, si dhe nga gjuetia e paligjshme.