Daniel Ortega, president i Nikaraguas, beson se pushtimi i Rusisë në Ukrainë është "një luftë botërore" ku NATO dhe Shtetet e Bashkuara po përpiqen të mposhtin Moskën.

Në fjalën e tij me rastin e aktit të 44-vjetorit të themelimit të Forcave Ajrore të Ushtrisë Nikaraguane që u mbajt në Managua, Ortega u shpreh se “tash po përballemi me një luftë të natyrës botërore, ku NATO, e udhëhequr nga Shtetet e Bashkuara janë të vendosur të mposhtin Federatën Ruse .

Ortega, i cili është aleat i presidentit rus Vladimir Putin, beson se ky konflikt "nuk është një luftë midis Federatës Ruse dhe Ukrainës, është një luftë midis imperialistëve , të kryesuar nga NATO, nga Shtetet e Bashkuara, që përpiqen të shkatërrojnë Federatën Ruse, me qëllim që të vendosen si zotër të planetit” .

Paqja si alternativa e vetme

Presidenti i Nikaraguas konsideron se në kuadër të këtij konflikti nuk ka alternativë tjetër për paqen dhe konsideron se NATO duhet të tërhiqet dhe të lërë Rusinë dhe Ukrainën "të bien dakord për të arritur paqen" . Ai gjithashtu konsideroi se "po dobëson ekonominë dhe stabilitetin social në të njëjtat vende evropiane, por edhe në SHBA".

Gjatë fjalës së tij, Daniel Ortega iu drejtua popujve të botës për t'i nxitur ata të mbrojnë paqen , duke thënë se "kjo luftë që imperialistët e tokës kanë përshkallëzuar duhet të pushojë një herë e përgjithmonë". 

Ai u dërgoi atyre gjithashtu një njoftim duke thënë se "ose ne të gjithë do të mbetemi duke bashkëjetuar  në këtë planet, ose nuk do të mbetet askush i gjallë " .

Ortega donte të kujtonte se gjatë luftës civile në Nikaragua që ndodhi në vitet 1980, ata humbën "mijëra vëllezër Nikaraguanë " . “

'Më shumë se 50,000 viktima, mijëra prej tyre mbetën pa krahë, pa këmbë, të verbër, të gjymtuar.' u shpreh ai.