Qeni po mbante qesen e plehrave me foshnjën kur një kalimtar dëgjoi të qarën - Foshnja u dërgua në spitalin Islamik dhe më pas në një institucion tjetër përkujdesjeje.

Libani u trondit dhe i indinjuar nga historia e një foshnjeje që u hodh në një qese plastike të zezë plehrash dhe u shpëtua aksidentalisht nga një qen endacak .

Vajza e vogël u gjet pranë një ndërtese komune në Tripoli, mëngjesin e së mërkurës. Sipas thenationalnews.com , çantën e mbante një qen endacak, kur një kalimtar dëgjoi të qante foshnjën, siç raportojnë mediat lokale.

Foshnja u dërgua në Spitalin Islamik nga një kalimtar i panjohur dhe më pas u transferua në Spitalin Qeveritar të Tripolit.

Fotot e publikuara në rrjetet sociale tregojnë foshnjën, e cila duket se është rreth 4 muajsh, me të nxira në fytyrë dhe trup.

 Rasti ka tronditur vendin, me shumë oferta për të adoptuar foshnjën.

Megjithatë, javët e fundit, disa raste të abuzimit të fëmijëve kanë dalë në dritë në Liban.

Javën e kaluar, një punonjës i çerdhes u arrestua dhe objekti u mbyll përgjithmonë pasi videot e shfaqnin atë duke abuzuar me foshnjat.