Qeveria izraelite po ndjek me shqetësim episodet dhe valët e antisemitizmit që po prekin Francën, tha sot kryeministri i Izraelit, Benyamin Netanyahu në mbledhjen e qeverisë, në Jerusalem.

“Ne kemi qenë dëshmitarë të sulmeve kriminale kundër objektivave hebreje, në ditët e fundit”, theksoi ai.

“Ne i dënojmë fuqishëm këto sulme dhe mbështesim qeverinë franceze në luftën e saj kundër antisemitizmit”, tha kryeministri izraelit, Netanyahu.