Një grua belge që vrau pesë fëmijët e saj u dënua me vdekje me kërkesën e saj 16 vjet pasi u preu fytin e djalit dhe katër vajzave të saj me një thikë kuzhine, tha avokati i saj.

Genevieve Lhermitte, 56 vjeç, vrau fëmijët e saj të moshës 3 deri në 14 vjeç më 28 shkurt të vitit 2007, në qytetin e Nivelles ndërsa babai i tyre ishte larg, raportoi bbc.

Ajo tentoi të bënte vetëvrasje në atë kohë duke goditur veten me thikë, por dështoi dhe thirri shërbimet e urgjencës.

Lhermitte u dënua me burgim të përjetshëm në dhjetor 2008 dhe u transferua në një spital psikiatrik në 2019.

Avokati i saj, Nicolas Cohen, tha se ajo vdiq nga eutanazia të martën në 16 vjetorin e vrasjeve, sipas Sky News.

Nuk është e qartë se si ajo vdiq, por injeksioni vdekjeprurës është një prej metodave të zakonshme.

Lhermitte vdiq në spitalin Leonard de Vinci në Montigny-le-Tilleul, raportoi gazeta, duke cituar faqen belge të lajmeve Sudinfo.