Të paktën 10 persona humbën jetën dhe shumë të tjerë janë shpallur të humbur pasi një ortek goditi një grup alpinistësh në zonën e Himalajeve.

34 kursantët dhe 7 instruktorët po praktikoheshin për ngjitjen në majë të botës, kur u goditën nga masivi i akullt që vinte nga maja e Himalajeve në shtetin e Uttarakhand.

Policia bën me dije se deri tani ka shpëtuar 14 persona, ndërkohë që vijojnë kërkimet për shumë të tjerë që mendohet të jenë bllokuar nga bora. Në operacionin e kërkim-shpëtimit janë angazhuar dhe Forcat Ajrore Indiane.