Sekuestrohen 5 ton kokainë, arrestohen disa shtetas malazezë Foto ilustruese

Sekuestrohen 5 ton kokainë, arrestohen disa shtetas malazezë

10:47, 27/02/2020

Autoritetet në ishullin holandez të Karaibeve në Aruba kanë kapur një sasi të konsiderueshme prej pesë ton kokainë në bordin e një anije të quajtur Aresa dhe kanë arrestuar disa shtetas malazezë. Mësohet se sasia e kokainës ishte ngarkuar në Kolumbi dhe kishte si destinacion Greqinë.

Drejtoria e Policisë së Malit të Zi të mërkurën më 26 shkurt tha se arrestimi ishte pjesë e një veprimi ndërkombëtar i filluar prej muajsh nga autoritette malazeze, serbe, holandeze dhe britanike, shkruan Balkan Insight.

Mediat malazeze raportuan se anija po lundronte nën flamurin e Kamerunit në momentin që u kap në ujërat e Venezuelës.

"Ky hetim tregon se vetëm përmes punës së vazhdueshme të përbashkët policia mund të marrë rezultate cilësore në ndalimin e trafikut ndërkombëtar të drogës," tha policia malazeze.

 

© SYRI.net

Lexo edhe:

Komentet

Shto koment

Denonco