Nga Besard Xhaferri
Prej javësh në Shqipëri kryefjalë e ekonomisë është rënia e euros, që ka pasoja fatale për ekonominë e familjeve shqiptare dhe eksportuesve.
Kjo politikë vrastare e dirigjuar nga qeveria është si pasojë e injektimit të parave të krimit në ekonomi por dhe të parave të korrupsionit galopant.
Sot një të riu i duhen 50 vite për të blerë një apartament në Tiranë, kjo për shkak se në sektorin e ndërtimit po pastrohen paratë e korrupsionit dhe krimit, skema që aplikohen nga kokat e qeverisë, siç ishte rasti i Arbën Ahmetajt.
Raporti i fundit i DASH është një këmbanë alarmi për ekonominë e brishtë shqiptare, që po mbytet në detin e parave të pista të krimit të organizuar transnacional.
Në raportin e përvitshëm për klimën e investimeve, saktësohet se investimet e huaja janë penguar nga korrupsioni qeveritar, ndërsa investitorët bien pre e shantazhit nga administrate publike dhe krimi.
Kjo klimë biznesi nuk është as në vendet e magrebit dhe kjo ka një emër, që quhet Edi Rama, njeriu që si askush tjetër në Evropë kriminalizoi politikën dhe ekonominë e vendit të tij.
Në raportin e DASH ngrihet alarmi për pastrimin e parave dhe mungesën e luftës kundër informalitetit që ende ngelet shumë i përhapur në Shqipëri.
Ky raport duhet të lexohet me kujdes nga çdo shqiptar që duhet të shqetësohet realisht për të ardhmen e fëmijëve të tij.
© SYRI.net