Premiera “Profesionisti” u shfaq për herë të parë mbrëmjen e së premtes në Teatrin “Petro Marko” në Vlorë. Nën regjinë e Leka Bungos dhe interpretimin e aktorëve të njohur, drama përcolli emocione dhe mesazhe me rëndësi, ndërsa publiku do të ketë mundësi ta ndjekë edhe përgjatë fundjavës.
Nga SYRI TV
Mbrëmjen e së premtes, Teatri “Petro Marko” në Vlorë hapi dyert për të shfaqur për herë të parë, premierën “Profesionisti”. Pas një periudhe të gjatë provash, aktoret u ngjitën në skenë mes emocionesh të mëdha. Nën regjinë e Leka Bungos dhe interpretimin e aktoreve të njohur, Viktor Zhusti, Astrit Hasani, Matilda Avduli dhe Artan Islami, drama përcolli emocione, ndjesi dhe mesazhe tek publiku.
Veç emrave të rëndësishëm të artit kombëtar, kjo premierë solli në qytetin e Vlorës edhe Presidentin e Republikës i cili promovoi personalisht rëndësinë e kësaj ngjarjeje kulturore të qytetit.
Në fund të shfaqjes, përcollën emocionet regjisori Leka Bungo dhe aktorët pjesëmarrës.
Shfaqja u mbyll me duartrokitje të mëdha, ndërsa jashtë dyerve të Teatrit nuk munguan as emocionet e qytetarëve vlonjatë. Premiera e “Profesionistit” do të shfaqet sërish në Teatrin “Petro Marko” përgjatë ditëve të fundjavës.
© SYRI.net