Rikthehet “South Outdoor Festival”, festivali pesë ditor i veprimtarive që zhvillohen në natyrë.
Borshi do të kthehet në kryeqendrën e organizimeve të shumta nisur me sportet, muzikën e kulinarinë, me po të njëjtin qëllim të çdoviti për të promovuar Jugun e Shqipërisë.
Nga Syri Tv
“South Outdoor Festival”, festa e aktiviteteve që zhvillohen në natyrë do të mbahet nga data 29 prill-3 maj në Borsh, duke çelur kështu siparin e sezonit të ri turistik.
Gjatë veprimtarisë pesë ditore festivali, që rrok sportet, kulturën, traditën, muzikën e kulinarinë fton pjesëmarrës shqiptarë dhe të të gjitha vendeve të Evropës, që të bëhen pjesë e këtij organizimi për të konkurruar e për të shijuar dhe përjetuar veçantinë që ofron Riviera e bukur e Shqipërisë.
Festivali i naturës në jug përmes dinamikës së veprimtarive synon ta shndërrojë Shqipërinë e Jugut në një destinacion ndërkombëtar të turizmit.
Artistët më në zë të tregut muzikor shqiptar dhe atij ndërkombëtar do të ngjiten në skenën e festivalit, ndërsa festivali premton ditënetë të paharrueshme.
© SYRI.net