Denoncimi/ Komedia 'Prefekti' e Teatrit Kombëtar, produkt komunist, denigron figurën e Qazim Mulletit

Denoncimi/ Komedia 'Prefekti' e Teatrit Kombëtar, produkt komunist, denigron figurën e Qazim Mulletit

23:04, 29/11/2021
A+ Aa A-

Një komendi e Teatrit Kombëtar e titulluar "Prefekti" ka ndezur debatin në radhët e intelektualëve dhe komunitetit tiranas.

Shoqata Tirona Intellectum ka bërë një denoncim në rrjetet sociale duke shprehur shqetësimin se komedia në fjalë shtrembëron në mënyrë flagrante dhe të shëmtuar historinë.  

Sipas tyre, trupa teatrale me aktor kryesor Arben Derhemin denigron figurën e ish-Prefektit të Tiranës, Qazim Mulleti.  

"Qazim Mulleti ka qenë një nga figurat më intelektuale dhe të arsimuara të kohës, i shkolluar në shkollat dhe universitetet prestigjioze në Greqi, Turqi dhe Austri si dhe protagonist i politikës shqiptare të asaj kohe".  

"Shoqata “Tirona Intellectum” dënon me indinjatë këtë gjë dhe njofton që së shpejti do të realizojë një simpozium shkencor për figurën e nderuar të Qazim Mulletit, për ti dhënë atij vendin që i takon në histori, në kuadrin e misionit të saj për rishikimin e historisë dhe figurave patriotike të komunitetit tonë, të denigruar nga histografia komuniste!", thuhet më tej në këtë reagim të "Shoqatës “Tirona Intellectum"

Reagimi
Teatri Kombëtar njoftoi shfaqjen sot të komedisë “Prefekti”, një komedi totalisht e politizuar, produkt i sistemit komunist, që denigron ish Prefektin e Tiranës, Qazim Mulletit. Përtej çudisë, indinjatës dhe paradoksit se si mund të rikthehen në skenën e teatrit kombëtar veprat “e sukseshme” të komunizmit, vepra e Besim Levonjës (që për extrem të paradoksit në postim e quajnë dhe “kryevepër”) është një shtrembërim flagrant, malinj dhe i shëmtuar i historisë! Qazim Mulleti ka qenë nga figurat më intelektuale dhe të arsimuara të kohës (i shkolluar në shkollat dhe universitetet prestigjoze në Greqi, Turqi dhe Austri) si dhe protagonistët e politikës shqiptare të asaj kohe!

Në vend që histografia post-komuniste të bënte “mea culpa” për denigrimin që i ka bërë kësaj figure, vazhdon përsëri mendësine e një epoke të urryer për shqiptarët, çvarrosjen e një paçavureje pas tre dekadash dhe kthimin në skenë të saj, për më tepër në një ditë simbolike, atë të festës kombëtare! Nga ana tjetër, të shfaqësh këtë palo komedi është të fyesh e të poshtërosh jo vetëm Qazim Mulletin dhe familjen e nderuar Mulleti, por të gjithë komunitetin tironas, të fyesh atë pjesë të shoqërisë që u persekutua egërsisht nga sistemi totalitar! E turpshme për më tepër, që aktori kryesor është një tironas!

Shoqata “Tirona Intellectum” dënon me indinjatë këtë gjë dhe njofton që së shpejti do të realizojë një simpozium shkencor për figurën e nderuar të Qazim Mulletit, për ti dhënë atij vendin që i takon në histori, në kuadrin e misionit të saj për rishikimin e historisë dhe figurave patriotike të komunitetit tonë, të denigruar nga histografia komuniste! Jo vetëm kaq, por TI do kërkojë dhe do bëjë përpjekjet për kthimin e eshtrave të Mulletit në atdhe! U kujtofshin gjithnjë me nderim figurat patriotike dhe intelektuale të komunitetit tironas! Rroftë dita kombëtare e Pavarësisë se Shqipërisë!

© SYRI.net

Lexo edhe:

Komentet

Shto koment

Më të lexuarat
Denonco