Aktorja shqiptare që jeton në Amerikë, Yllka Gashi, ka folur për kinematografinë shqiptare në SHBA dhe si prezantohet atje.

Gashi thekson se interesi i SHBA për vendin tonë është shumë i madh. Ajo shton se është kënaqësi të prezantosh filmat shqiptarë kudo në botë.

“Këtu njerëzit në Amerikë janë shumë të thjeshtë. Këtu mund të ketë yje të Hollivudit, e sërish ata janë me këmbë në tokë. Interesi i SHBA për vendin tonë është i madh dhe është kënaqësi të prezantosh këtu Shqipërinë e Kosovës. Lodhja jonë nuk ka shkuar dëm.

Një film i yni, që tregon një nënë me dy fëmijë të vegjël, pa burrë, që rrit vogëlushët e saj me halle, është prezantuar në Amerikë dhe kjo përbën një krenari për ne shqiptarët. Kam marrë pjesë tek “Familja moderne” dhe ka nisur tek RTK për Vitin e Ri, ishte komedi familjare. “Familja moderne” për mua ka qenë shtëpi e dytë, unë jam rritur me personazhin e Zanës që kisha aty dhe jam krenare që isha pjesë e serialit”, deklaroi Gashi.