Lajmi i fundit

LIVE/ Pamje të rënda nga atentati në Vlorë, mjeti i bërë shoshë nga breshëria e plumbave

74 vjet nga ekzekutimi i 'Grupit të Deputetëve', dhjetëra me pushkatim, të tjerë me varje Nga 16 të ekzekutuarit në 10 tetor 1947, tre deputetë u dënuan me varje

74 vjet nga ekzekutimi i 'Grupit të Deputetëve', dhjetëra me pushkatim, të tjerë me varje

07:10, 11/10/2021
A+ Aa A-

Në përkujtim të 74-vjetorit të ekzekutimit të grupit të deputetëve nga diktatura komuniste, Muzeu Historik dëshmon se ekzistonin grupe antikomuniste brenda rradhëve të deputetëve shqiptarë. Filluan procese ndaj disa deputetëve.Grupi i deputetëve doli hapur si grup i organizuar në mbrojtje të parimeve të demokracisë perëndimore dhe mori përsipër të bënte opozitën në Parlamentin e parë të Shqipërisë komuniste. Aftësitë intelektuale dhe organizuese, shumë shpejt ranë ndesh me përpjekjet e diktaturës, e cila kishte filluar të instalohej pak nga pak.

Opozita u bë pre e përndjekjes deri në arrestimin e tyre.

Qëndresa e tyre për të ndalur revanshin komunist u kushtoi jetën 16 deputetëve, që kishin mundur të hynin në Parlament.

Gjyqi i “Grupit të deputetëve” filloi dhe u mbyll si një proces gjyqësor tërësisht i montuar, mbështetur në dëshmi që u ishin marrë të pandehurve nëpërmjet një dhune fizike dhe psikike të pashembullt gjatë hetuesisë.

Gjykata Ushtarake nën urdhrat e drejtpërdrejtë të Enver Hoxhës urdhëroi ekzekutimin e 16 të pandehurve të atij procesi dhe dënime të rënda për dhjetëra të tjerë nga rrethe të ndryshme, të cilët i akuzuan për lidhje dhe bashkëpunim me “Grupin e deputetëve”.

Goditja brenda radhëve të Parlamentit ndaj të ashtuquajturit nga hetuesit si “grup klandestin i deputetëve” ishte e pamëshirshme ndaj grupit të parë të gjykuar të njohur si "Grupi i Shefqet Bejës" me 16 të dënuar kapital.

Nga 16 të ekzekutuarit në 10 tetor 1947, tre deputetë u dënuan me varje, Shefqet Beja në Tiranë, Sulo Klosi në Rubik, dhe Riza Alizoti në Kuçovë dhe 13 të tjerët me pushkatim, ndërsa 21 bashkëlidhur me këtë proces ishte edhe Kolë Kuqali që vdiq në hetuesi më 30 maj 1947 nga torturat, zyrtarisht u shpall i vetëvarur e vdekur në spitalin ushtarak të Tiranës.

Me anë të këtij procesi, i cili nga dëshmitarët e kohës u cilësua si fund e krye farsë, Enver Hoxha synoi të nënshtronte dhe asgjësonte opozitën e vërtetë demokratike, duke i dhënë fund shprehjes së mendimit të lirë. Propaganda e shfrenuar i paraqiti ata në popull, si armiq që kishin bashkëpunuar me kriminelët dhe agjenturat e huaja. Me këto gjyqe të bujshme, diktatura komuniste synoi të shuante përgjithmonë çdo shpresë apo tentativë për demokraci e pluralizëm te shqiptarët.

© SYRI.net

Lexo edhe:

Komentet

Shto koment

Denonco