Autoriteti për Informim mbi Dokumentet e ish-Sigurimit të Shtetit 1944 -1991 ka publikuar sot dokumentet se si përgatiteshin agjentët e Sigurimit të Shtetit. 

Mes dokumenteve të ish-Sigurimit të Shtetit ruhet një numër i konsiderueshëm botimesh të shkollës së Sigurimit, që hedhin dritë mbi mënyrën se si përgatiteshin kuadrot e rinj të policisë sekrete.

Programi mësimor i kursit 1-vjeçar të zbulimit, disiplina speciale, i vitit akademik 1985-1986, është deklasifikuar nga AIDSSH dhe mund të vihet në dispozicion të studiuesve, në përputhje me ligjin 45/2015 i ndryshuar.