Është ndarë nga jeta në mënyrë të papritur, një nga rapsodët më të njohur të Dibrës dhe veriut, Sherif Dervishi.
Lajmi është bërë i ditur sot nga familjarët dhe miqtë e të ndjerit.
Dervishi ishte shtruar me urgjencë në QSUT prej një tromboze dhe ndodhej në koma prej më shumë se 24 orësh.
Gjatë ditës së sotme gjendja e tij është rënduar dhe për pasojë ka ndërruar jetë.
Vetëm pak ditë më parë ai kishte kënduar në Kukës me rastin e 75 vjetorit të çlirimit dhe më parë në një koncert të mbajtur në Tiranë.
Sherif Dervishi është nga Zall Dardha e Dibrës.
Repertori i tij mban dhjetëra këngë të muzike popullore si dhe është fitues i disa çmimeve. Para më shumë se një muaji ai ishte bërë pjesë e pallatit të Kulturës në Kamzë.
© SYRI.net