Kur Ismail Qemali u revoltua ndaj Esat Pashës: Tradhtar, i çmendur!

Kur Ismail Qemali u revoltua ndaj Esat Pashës: Tradhtar, i çmendur!

08:51, 08/11/2019

Nga Aurenc Bebja, Francë

“La Libre Parole” ka botuar, të martën e 29 prillit 1913, në ballinë, një shkrim në lidhje me deklaratën e Ismail Qemal beut, në dalje të ministrisë së jashtme franceze, ndaj Esat Pashë Toptanit, të cilin, Aurenc Bebja, nëpërmjet Blogut “Dars (Klos), Mat – Albania”, e ka sjellë për publikun shqiptar :

Kriza Evropiane

Fuqitë e Mëdha dhe Mali i Zi

Ismail bej Qemali në Quai d’Orsay (Ministrinë e jashtme franceze)

“Dje, z. Pichon, ministër i jashtëm i Francës, priti kontin Szecsen, ambasador i Austro-Hungarisë, z. Isvolski, ambasador i Rusisë dhe baronin Schoen. Ai priti, gjatë pasdites, Ismail Qemal Beun, kreun e qeverisë së përkohshme shqiptare. Ne nuk dimë se për çfarë diskutuan ambasadorët me z. Pichon, por Ismail Qemal Beu i pyetur në dalje të Quai d’Orsay, protestoi kundra grusht-shtetit të Esat Pashës, të cilin e përshkruan si tradhtar dhe të çmendur !

Ismail Qemal Beu nuk mendon, për momentin, të kthehet në Shqipëri, ku rivali i tij i lumtur ka në dispozicion një ushtri serioze. Ai mendon se është më e përshtatshme të shkojë në Londër për të mbrojtur çështjen e “Qeverisë së Përkohshme” në Konferencën e Ambasadorëve.”Blogu © Dars (Klos), Mat – Albania

© SYRI.net

Lexo edhe:

Komentet

astrit09/11/2019 08:04

Ismail Bej Qemali (Vlora) u caktua nga Austro-Hungaria te shpallte pavaresine e Shqiperise. E kreu detyren. Si burre shteti qe nje deshtim i plote.Po Austro-Hungarezet e detyruan te largohej nga Shqiperia. Realisht ne ate kohe Esat Pashe Toptani ishte figura me e fuqishme si nga karkteri i tij i ashper qe kishte ushtare e para per te drejtuar fiset shqiptare primitive. E per t'ju mos ju bindur fuqive te medha per gjithçka

Shto koment

Denonco