Tipologjia e Xhubletës si veshje, konsiderohet si nga më të vjetrat. Në gjithë pellgun e Mesdheut e gjejmë ende gjallë të ruajtur në Shqipërinë e Veriut. Harta e shpërndarjes së saj prekë Këlmendin, Dukagjinin, brigjet e Drinit, Pukën, Zadrimën, rrafshin e Dukagjinit, Hasin e Gjakovën.
Gjithë kjo shpërndarje, tipologji, veçori e vlera, do të prezantohen në seminarin kushtuar Xhubletës ku studiues, etnograf dhe të apasionuar të saj do të pasqyrojnë gjithë larminë, artin, simbolikat e saj.
Aktiviteti vjen në kuadër të Ditëve Europiane të Trashëgimisë, 27 Shtatorit Dita Kombëtare e Turizmit dhe 29 Shtatorit Dita Kombëtare e Trashëgimisë Kulturore.
© SYRI.net