Më parë ishte njoftuar nga Federata Shqiptare e Futbollit se java e 17-të e Kategorisë Superiore do të luhej më datë 27 janar, por sot ka bërë një njoftim të dytë.

Sipas njoftimit të ri të FSHF-së, këto ndeshje do të luhen të gjitha në datën 26 janar 2018, për shkak se në datën 27 janar Policia e Shtetit nuk merr përsipër garantimin e sigurisë në stadium.

Kujtojmë që në datën 27 janar janë paralajmëruar protesta nga opozita e vendit, ndaj edhe ndeshjet e Superiores do të luhen një ditë më përpara.