Pas investimit mbi 200 milionë euro, Milani nuk kërkon të ndalet në merkato pasi pritet të transferojë një sulmues të njohur.
Bëhet fjalë për anësorin e Liverpoolit, Daniel Sturridge i cili është i pakënaqur në Angli pasi Jurgen Klopp nuk po i ofron shumë minuta, shkruan “Calciomercato.com”, raporton SYRI.net.
“Rossonerët” nuk janë shumë të kënaqur me gjitha transferimet e verës dhe duan ta freskojnë skuadrën me disa përforcime të tjera.
Mediat italiane theksojnë se drejtuesit e klubit nga “San Siro” kanë nisur negociatat me Liverpoolin që në janar të transferojnë lojtarin britanik.
Interesimi është nga të dyja palët pasi sulmuesi 29-vjeçar është në kërkim të minutave për të siguruar një vend për Kupën e Botës që po afrohet për verën e ardhshme dhe një lëvizje në Itali mund të jetë një opsion i përshtatshëm.
© SYRI.net
Bëje LIKE dhe merr lajmin e fundit nga Sporti: