Kryeministri Edi Rama e ka kthyer vështrimin sot nga sistemi energjitik. Duke publikuar foto të punonjësve të OST-së, që instalojnë linjat e tensionit të lartë, Rama vlerëson 'përkushtimin në detyrë të këtyre heronjve të heshtur që shërbejnë çdo ditë, në çdo orë dhe shumë më fort në kushte tejet të vështira, për të siguruar furnizimin me energji për qytetarët kudo ndodhen.

Mirënjohje dhe respekt për të gjithë ata punonjës në sistemin e energjisë - shkruan ai në Fb, - që me aftësitë dhe ndershmërinë e tyre e kthyen reformën në energji në një histori suksesi, falë së cilës sot shqiptarët paguajnë më pak për faturat e tyre ndërsa sektori nga një barrë për taksapaguesit, tanimë kontribuon me të ardhura në buxhetin e përbashkët të shqiptarëve."