Presidenti i Partizanit, Olsi Rama, Tahiri dhe fabrika e drogës në Elbasan…

Presidenti i Partizanit, Olsi Rama, Tahiri dhe fabrika e drogës në Elbasan…

Nga SYRI.net - 20/10/2017

Dje në shtëpinë e Tahirit është futur presidenti i ekipit të futbollit të Partizanit. Ky njihet si një nga miqtë e ngushtë të vëllait të Edi Ramës, Olsi Ramës me të cilin kryejnë shumë aktivitete të përbashkëta me ndihmën e Ramës. Po ashtu Tahiri ka qenë një frekuentues i mjediseve ku qëndronte dhe qëndron presidenti i Partizanit me të cilin Tahiri ruan një miqësi të vjetër. Të gjithë pyetën se çfarë donte në shtëpinë e Tahirit presidenti i Partizanit?

Nga të informacionet e medias janë dy ngjarje që lidhen ngushtësisht mes tyre.

Së pari, emri i Olsi Ramës ka qarkulluar në çështjen e fabrikës së drogës në Elbasan së bashku me nipin e Enver Hoxhës dhe disa persona të tjerë me lidhje me politikën e lartë në PS. Emri i Olsit në këtë aferë është hequr disa muaj para se kjo aferë të shpërthente nga shërbimi inteligjent i një vendi shumë të rëndësishëm europian, pasi informacioni kishte rrjedhur në drejtim të Edi Ramës me ndihmën e disa zyrtarëve të lartë të policisë që operonin së bashku me agjentët e shërbimit të huaj. Ndërkohë Saimir Tahiri e ka të gjithë këtë dosje në zotërim. 

Së dyti, këto ditë ka qarkulluar informacioni se “Tahiri e ka kërcënuar Ramën” duke i kujtuar “implikimin e vëllait të tij Olsi Rama në çështjen e fabrikës së drogës në Elbasan…”, dosje të cilën Tahiri do të plaste në publik nëse Rama nuk do të tërhiqej nga arrestimi i tij.

Pikërisht me porosi të Ramës dhe të ndërhyrjes direkte të Olsi Ramës, presidenti i Partizanit, ka shkuar në shtëpinë e Tahirit për të negociuar mes Tahirit dhe Ramës. Biseda mes Tahirit dhe Presidentit të Partizantit ka rezultuar mirëkuptuese: Rama do të tërhiqej nga arrestimi i Tahirit pasi Tahiri kishte pranuar të mos e bënte publike dosjen e implikimit të Olsi Ramës në cështjen e fabrikës së drogës në Elbasan për të cilën është në dijeni edhe shërbimi inteligjent dhe autoritet e larta të vendit më të rëndësishëm europian.

Tahiri i ka dërguar me këtë rast Ramës edhe mesazhin publik, pasi është pyetur nga gazetari duke dalë nga shtëpia e tij, pasi disa minuta më parë ishte larguar Presidenti i Partizanit: Nuk keni parë gjë akoma. Mesazh përmes të cilit kërkon konfirmim direkt nga vetë Rama jo thjesht e vetëm përmes Presidentit të Partizanit, gjë që me sa duket është kryer edhe me kontributin e Rucit që njihet po ashtu për lidhjet e ngushta me Presidentin e Partizanit.

E gjithë kjo histori tregon për lidhjet e Ramës me trafiqet dhe trafikantët e drogës dhe oligarkinë. Dhe faktin që Rama është peng i këtyre lidhjeve. Kjo lëvizje është një argument i fortë në favor të tezës së Rama është në thelb kundër reformës në drejtësi dhe gjatë të gjithë kohës është përpjekur së bashku me klanet mafioze ta vendosë drejtësinë nën kontroll për të mos u ndëshkuar dhe përdorur si gjueti shtrigash kundër opozitës dhe kundërshtarëve të kësaj qeverisjeje.

© SYRI.net

Lexo edhe

Komentet

Shto koment