Një 35-vjeçar është arrestuar në Lushnje, ku janë sekuestruar drogë dhe municione.
Burime zyrtare nga policia bëjë me dije se në pranga është vënë Gëzim Goga, 37-vjeç, banues në fshatin Krutje e Poshtëme, Lushnje.
Aksioni i koduar “Koria”, u zhvillua nga ana e Sektorit për Hetimin e Narkotikëve dhe Trafiqeve në Drejtorinë Vendore të Policisë Fier, në bashkëpunim edhe me Komisariatin e Policisë Lushnje.
Në bazë të informacioneve të mara më parë në rrugë operative për posedim të lëndëve narkotike, është shkuar në fshatin Krutje e Poshtëme dhe është ushtruar kontroll në banesën e shtetasit Gëzim Goga.
Nga kontrolli i ushtruar në banesën e tij, u gjetën 1.3 kg lëndë narkotike kanabis, 8.550 fara bime kanabisi, 1 ndezës unifikues granat dore si dhe 7 copë fishekë pistolete të cilat u sekuestruan në cilësinë e provës materiale, njofton policia.
Materialet procedurale i kaluan Prokurorisë pranë Gjykatës së Shkallës së Parë Lushnje për veprat penale “Prodhimi dhe shitja e narkotikëve”, Trafikim i lëndëve narkotike” dhe “Prodhimi dhe mbajtja pa leje i armëve dhe municionit luftarak”.
© SYRI.net