Prokuroria e pranë Gjykatës së Shkallës së parë në Tiranë, pas përfundimit të hetimeve ka dërguar për gjykim si të pandehur Arkiment Lushaj ose i njohur ndryshe me emrin e Artit Stresi.

Lushaj akuzohet për veprën penale ‘prodhim dhe mbajtje pa leje të armëve të gjuetisë dhe sportive’.

Hetimet ndaj tij nisën pas referimit të bërë nga Komisariati nr.4 ku stresi shihej duke qëlluar në ajër me një armë të tipit ‘Shotgun’. Regjistrimi i kësaj videoje është bërë në 31 dhjetor të vitit të shkuar.

Menjëherë pas publikimit të videos në rrjetet sociale, policia ka ushtruar ën kontroll në banesën e Lushajt, kiu ka gjetur dhe më pas sekuestruar armën.